| प्रेस विज्ञप्ती/निमन्त्रणा | |
|
प्रेस वक्तव्य ओमान एवं सिजान मितिः २०६५ माघ २१ अनलाइन मिडिया एसोसिएसन नेपाल ओमानका सदस्य एवं साइबर जर्नालिष्ट एसोसिएसन नेपाल सिजानका सचिव रामशुभक महतोलाई प्रहरीले टेकुस्थित कोठामा जाने क्रममा माघ १९ गते कार्यालयबाट पक्राउ गरी बेपत्ता बनाएकोमा ओमान र सिजानको गम्भीर ध्यानाकर्षण भएको छ। यसरी कार्यक्षेत्रबाट बासस्थानतर्फ जांदै गरेका अनलाइनकर्मीको गिरपफ्तारीको हामी घोर भर्त्सना गर्दछौ। सिराहा फुल्काहाकट्टी ९ निवासी महतोलाई पक्राउ गरिएको तीन दिन बितिसक्दासमेत प्रहरी प्रशासनले कुनै कुरा सार्वजनिक नगर्नुलाई हामीले गम्भीर रुपमा लिएका छौं । कार्यालयको काम सकेर कोठा जाने क्रममा पक्राउ अनलाइनकर्मीलाई पक्राउ गरेर तीन दिन बितिसक्दासमेत उनको अवस्था सार्वजनिक नगर्नुलाई हामीले गम्भीर मानवअधिकार उल्लंघनका रुपमा लिएका छौं । हामीलाई प्राप्त जानकारीअनुसार महाबौद्धस्थित नेपाल जापान डट कमको कार्यालयबाट काम सकेर टेकुस्थित कोठामा जाने क्रममा महतेा र सुनसरीका पत्रकार वीरेनद्र केएमलाई समेत पक्राउ गरिएको थियो । महतोलाई पक्राउ गरी माघ १९ गते सांझ सात बजे प्रहरी निरीक्षकको नेतृत्वमा कोठासमेत खानतलासी गरिसकेको अवस्थामा उनका अवस्था सार्वजनिक नहुने लोकतान्त्रिक पद्धतिको उपहास हो । तसर्थ अनलाइनकर्मी रामशुभक महतो र वीरेन्द्र केएमलाई पक्राउ गर्नुको कारणसहित तत्काल उनीहरु दुवैको अवस्था सार्वजनिक गर्न अनलाइन मिडिया एसोसिएसन नेपाल र साइबर जर्नालिष्ट एसोसिएसन जोडदार माग गर्दछ । पत्रकार महतो राजधानीस्थित आरआर क्याम्पसमा पत्रकारितामा स्नातक तेस्रा वर्षका विद्यार्थीसमेत हुन् भने केएम सुनसरीस्थित रिपोर्टर्स क्लवका अध्यक्ष समेत हुन्। साथै उनीहरुको रिहाईका लागि पहल गरिदिन नेपाल पत्रकार महासंघ, नागरिक समाज तथा सम्बद्ध पक्षसंग हार्दिक आग्रह गर्दछौं । उनीहरुलाई पक्राउ गर्नुको कारण र कहां राखिएको छ भन्नेबारे स्पष्ट नगरे हामी तत्काल आन्दोलनमा उत्रने बाध्य हुने जानकारीसमेत यसै वक्ताव्यमार्फत दिन चाहन्छौं । त्यसबाट उत्पन्न हुने सम्पूर्ण गम्भीर स्थितिकेा जिम्मेवार स्वयम सरकार हुनेछ। दिनेश बस्नेत कार्तिकेय घिमिरे अध्यक्ष अध्यक्ष अनलाइन मिडिया एसोसिएसन साइबर जर्नालिष्ट एसोसिएसन अनलाइनकर्मी महतो र केएमको रिहाइको माग अनलाइन मिडिया एसोसिएसन नेपाल ओमानका सदस्य एवं साइबर जर्नालिष्ट एसोसिएसन नेपाल सिजानका सचिव रामशुभक महतोलाई प्रहरीले टेकुस्थित कोठा जाने क्रममा माघ १९ गते पक्राउ गरी बेपत्ता बनाएकोमा ओमान र सिजानको गम्भीर ध्यानाकर्षण भएको जनाएको छ। साथै अनाहकमा अनलाइनकर्मीको गिरफ्तारी र बेपत्ताको घोर भर्सनासमेत गरिएको छ। ओमानका अध्यक्ष दिनेश बस्नेत र सिजानका अध्यक्ष कार्तिकेय घिमिरेले संयुक्त वक्तव्य जारी गरी सिराहा फुल्काहाकट्टी ९ निवासी महतोलाई पक्राउ गरिएको तीन दिन बितिसक्दासमेत प्रहरी प्रशासनले कुनै कुरा सार्वजनिक नगर्नुलाई हामीले गम्भीर रुपमा लिएका छौं भन्दै कार्यालयको काम सकेर कोठा जाने क्रममा पक्राउ अनलाइनकर्मीलाई पक्राउ गरेर तीन दिन बितिसक्दासमेत उनको अवस्था सार्वजनिक नगर्नुलाई हामीले गम्भीर मानवअधिकार उल्लंघनका रुपमा लिएको उल्लेख छ। प्राप्त जानकारीअनुसार महाबौद्धस्थित नेपाल जापान डट कमको कार्यालयबाट काम सकेर टेकुस्थित कोठामा जाने क्रममा महतेा र सुनसरीका पत्रकार वीरेनद्र केएमलाई समेत पक्राउ गरिएको थियो । महतोलाई पक्राउ गरी माघ १९ गते सांझ सात बजे प्रहरी निरीक्षकको नेतृत्वमा कोठासमेत खानतलासी गरिसकेको अवस्थामा उनको अवस्था सार्वजनिक नहुनु लोकतान्त्रिक पद्धतिको उपहास हो भन्दै वक्तव्यमा अनलाइनकर्मी रामशुभक महतो र वीरेन्द्र केएमलाई पक्राउ गर्नुको कारणसहित तत्काल उनीहरु दुवैको अवस्था सार्वजनिक गर्न अनलाइन मिडिया एसोसिएसन नेपाल र साइबर जर्नालिष्ट एसोसिएसन जोडदार माग गरेका छन् । पत्रकार महतो राजधानीस्थित आरआर क्याम्पसमा पत्रकारितामा स्नातक तेस्रा वर्षका विद्यार्थीसमेत हुन् भने केएम सुनसरीस्थित रिपोर्टर्स क्लवका अध्यक्ष समेत हुन्। साथै ओमान र सिजानले उनीहरुको रिहाईका लागि पहल गरिदिन नेपाल पत्रकार महासंघ, नागरिक समाज तथा सम्बद्ध पक्षसंग हार्दिक आग्रह गरेका छन् । उनीहरुलाई पक्राउ गर्नुको कारण र कहां राखिएको छ भन्नेबारे स्पष्ट नगरे तत्काल आन्दोलनमा उत्रने बाध्य हुने उल्लेख गर्दै त्यसबाट उत्पन्न हुने सम्पूर्ण गम्भीर स्थितिकेा जिम्मेवार स्वयम सरकार हुने उल्लेख छ। Release On : Wednesday, 04 February 2009
| |
|
|
| ताजा समाचार |
 |
|||||||||
| नेपालको मन्त्रीपरिषद् विवरण | |||||||||
 | |||||||||
 | |||||||||
| |||||||||
 | |||||||||
| |||||||||
|
|||||||||
| |||||||||
| |||||||||
| |||||||||
| |||||||||
| फोटो समाचार | |||||||
| |||||||
|
|
| अन्तरवार्ता | |||||||||||||||||||||||||||||||||||||||||
| |||||||||||||||||||||||||||||||||||||||||
|
|
| फोटो समाचार | |||||||
| |||||||
| प्रेस विज्ञप्ती/निमन्त्रणा | ||||||||
| ||||||||
| आर्थिक समाचार | ||||||
| ||||||
| [उत्कृष्ट हेराई १०२४ x ७६८ IE6+,Firefox3+,Safari3+] | © सर्वाधिकार खबरसंसार | |
|
